Urbanizm (jurnal) — Vikipediya
![]() | Bu məqalə qaralama halındadır. |
Urbanizm — elmi-praktiki jurnal.
![](http://upload.wikimedia.org/wikipedia/az/thumb/9/99/Urbanizm_%28jurnal%29.jpg/220px-Urbanizm_%28jurnal%29.jpg)
Haqqında
[redaktə | mənbəni redaktə et]“Urbanizm” elmi-praktiki jurnalı dövri nəşriyyatdır. Jurnalın təsisçiləri və yaradıcıları – Azərbaycan Urbanistlər Cəmiyyəti, Azərbaycan Memarlıq və İnşaat Universiteti, İpək Yolu Ölkələrinin Beynəlxalq Urbanistlər Assosiyası, Azərbaycan Memarlar İttifaqı, Şərq Ölkələri Beynəxalq Memarlıq Akademiyası.
Jurnalın redaksiya şurasına Azərbaycanın tanınmış memarları və elm xadimləri daxildir. Jurnalda çap olunmaq üçün məqalələrin seçilməsində əsas meyar – redaksiyaya daxil olan materialların yüksək ixtisas komissiyası və obyektiv ekspertiza tərəfindən müəyyənləşən yüksək elmi səviyyəsi.
Dissertasiya və tədqiqatların elmi yeniliyə və praktiki əhəmiyyətə malik olan elmi nəticələri nəşr olunan jurnal aparıcı lisenziyalı elmi jurnalların və nəşriyyatların siyahısına daxildir.
“Urbanizm” dövri elmi-praktiki jurnalı Azərbaycan Respublikasının Ədliyyə Nazirliyində qeydə alınmış Azərbaycan Urbanistlər Cəmiyyətinin nəzdində nəşr edilir[1].
Nəşriyyat Parisdə (Fransa) Beynəlxalq standart Seriya nömrəsi (İSSN 1811-6582), almışdır.
“Urbanizm” jurnalı 2009-cu ildə Saratov şəhərində keçirilən Memarlıq Təhsilinə Yardım Regionlararası ictimai təşkilatın birinci Dərəcəli Diplomuna layiq görülmüşdür.
“Urbanizm” jurnalında yarandığı vaxtdan (2001-ci il) etibarən müasir memarlıq və şəhərsalmanın, memarlıq nəzəriyyəsi və tarixinin, landşaft memarlığı və ekologiyanın, dizayn və reklamın aktual məsələlərinə həsr edilmiş 300-dən çox məqalə çap olunmuşdur. Bu müddət ərazində məqalə müəlliflərindən 15 nəfər istedadlı alim sıralarına daxil olaraq elmi dərəcələri və adlarını almışlar.
Müəlliflərin arasında dünyanın 30 müxtəlif ölkə və kontinentlərindən, o cümlədən, Hindistan, İran, Türkiyə, Rusiya, Fransa, ABŞ, Kanada, Misir, Əlcəzair, Mərakeş, Madaqaskar, Qazaxıstan, Özbəkistan və başqa ölkələrin nümayəndələri vardır.
- Baş redaktor və redaksiya şurasının sədri - Emir Fikrət oğlu HÜSEYNOV, EEA akademiki, memarlıq doktoru, professor,
Redaksiya heyəti
[redaktə | mənbəni redaktə et]- Gülçöhrə MƏMMƏDOVA (AzMİU)
- Aybəniz HƏSƏNOVA (AzMİU)
- Nizami NAĞIYEV (AzMİU)
İstinadlar
[redaktə | mənbəni redaktə et]- ↑ ""Urbanizm" jurnalı". 2016-03-05 tarixində arxivləşdirilib. İstifadə tarixi: 2013-08-15.